Ayni damda tashrif bilan Xitoyda bo‘lib turgan Shimoliy Koreya rahbari Kim Chen In Pekindagi sanoat obyektlariga tashrif buyurmoqda. Bu haqda “Interfax.ru” xabar berdi.
Kim Chen In Xitoy poytaxtining iqtisodiy-texnologik rivojlanish hududida joylashgan farmatsevtika zavodida bo‘lib, uning faoliyati bilan tanishgan. Mazkur zavod Xitoy an’anaviy tibbiyotining yirik ishlab chiqaruvchisi sanaladi.
Kim Chen In Xitoyga 7-yanvar kuni ertalab to‘rt kunlik tashrif bilan jo‘nab ketgan. U Pekinga poyezd bilan 8-yanvar kuni tashrif buyurgan va bir necha soatdan so‘ng XXR raisi Si Szinpin bilan sammit o‘tkazgan. Bir soatli uchrashuv tafsilotlari hozircha ma’lum emas.
Kim Chen In Pekinga Si Szinpin taklifi bilan tashrif buyurgan bo‘lib, unga rafiqasi Li Sol Chju va hukumat vakillari hamrohlik qilmoqda.
Izoh (0)