ЕИ Эрон разведка хизматига қарши санкциялар жорий этади

Европа иттифоқи (ЕИ) Дания ҳудудида қотиликка тайёргарликда гумон қилинаётган Эрон разведка хизматига қарши санкциялар қўллашни маъқуллади. Бу ҳақда Дания ташқи ишлар вазири Ангдерс Самуэльсэн ўзининг Twitter’даги саҳифасида маълум қилди, деб ёзмоқда «Новая газета».

30 октябрь куни Дания хавфсизлик хизмати Эрон разведкасини «Ахвазни қутқариш учун араб ҳаракати»нинг Дания бўлими раҳбарига ҳужум қилишга тайёргарлик кўришда айблаган. У Эроннинг Хузестан провинциясидаги этник араблар учун мустақиллик талаб қилади.

Эронда эса ушбу ташкилот террорчилик ташкилотлари рўйхатига киритилган.

«Эрон ташқи ишлар вазирлиги эса, ўз навбатида қотилликка тайёргарлик кўришга алоқадорлигини рад этган ва буни ‘Эрон ва Европа ўртасидаги муносабатларни бузиш мақсадида Теҳрон душманлари фитнасининг бир қисми’ деб атаган»,— дейилади хабарда.