Кубада АҚШ дипломатлари акустик ҳужум сифатида қабул қилган товушлар чигирткаларнинг чирилаши бўлиши мумкин. Олимлар айнан шундай хулосага келди, деб хабар берди «Корреспондент.net».
Британия университетининг сенсор биология профессори Фернандо Монтеалегре-Дзапата ва америкалик тадқиқотчи Александр Стуббнинг аниқлашича, «акустик ҳужум» сифатида қабул қилинган овозлар энг кичик деталигача, хусусан давомийлиги бўйича ҳам чигирткалар чириллашига тўлиқ мос келади.
Олимлар ҳатто чигиртканинг ҳам турини аниқлади — бу Ҳиндистон калта думли чигирткаси.
Эслатиб ўтамиз, АҚШ ҳукумати 2016—2017 йилларда Кубада 24 нафар дипломат «акустик ҳужум»дан азият чекканини маълум қилган.
Дипломатлар эшитиш қобилиятининг йўқолиши, бош оғриғи, кўнгил айниши ва диққатни жамлай олмасликдан шикоят қилган.
АҚШ ушбу масала бўйича жавобгарликни Кубага юклаган ва элчихонасининг 60 фоиз ходимларини чақириб олган. Куба ҳукумати «акустик ҳужум» ўтказилганини инкор этган.
Изоҳ (0)