Тошкентда иссиқ ва совуқ сувга «ақлли» ҳисоблагичларни ўрнатиш бўйича дастур ишга тушади. Бу ҳақда «Podrobno.uz» хабар берди.
Вазирлар Маҳкамаси Тошкент шаҳар ҳокимиятига Инвестициялар бўйича давлат қўмитаси ҳамда Уй-жой коммунал хизмат кўрсатиш вазирлиги билан ҳамкорликда 2019 йилнинг 1 августига қадар 2020—2022 йилларга уй ичида иссиқ ва совуқ сувларни ҳисоблайдиган смарт-ускуналарни ўрнатиш бўйича дастур ишлаб чиқишни топширди.
«Ақлли» ускуналарни ўрнатишнинг асосий мақсади уй-жой эгалари қанча сувдан фойдаланганлиги тўғрисида ҳисоблагич кўрсаткичларни мустақил равишда, смарт-ҳисоблагичлар ёрдамида ҳисоблаб, онлайн тарзда бошқариб боришни кўзда тутади.
Экспертларнинг фикрича, «ақлли» ҳисоблагичлар истеъмолчилар билан бир қаторда, давлат ва бизнесга ҳам фойда келтиради.
Бугунги кунда «ақлли» ҳисоблагичлар тест режимида «Ўзтрансгаз» томонидан синовдан ўтказилмоқда. Бугунги кунда қарийб 200 та шундай ускуналар Тошкент вилоятининг Қибрай туманида ўрнатилган.
Унинг ёрдамида компания газ сарфини онлайн тарзда текшириб, қарздорларни ўчириб қўйиш имконига эга. Асосий мақсад— ушбу тажрибани ўрганиб, кейин бутун республикага тадбиқ этишдан иборат. Мазкур ҳисоблагичалар 2022 йилнинг охиригача барчага ўрнатилиши кўзда тутилмоқда.
Изоҳ (0)