«Тошшаҳартрансхизмат» компанияси 2019 йилнинг январь—февраль ойларида пойтахт автобус саройлари учун 60 дан зиёд янги автобусларни қабул қилиб олади. Бу ҳақда компания матбуот хизмати хабар берди.
Янги йилнинг илк кунларида Самарқанддан ўрта сиғимли 14 та SAZ LE 60 автобуслари етиб келди. Январь ва февраль ойларида эса яна 8 та SAZ LE 60 ҳамда 40 та катта сиғимли MAN автобуслари етказиб берилиши кутилмоқда.
«Газета.uz»нинг қайд этишича, 2018 йил давомида Тошкент шаҳар жамоат транспорти парки 40 та MAN автобуси ва 58 та SAZ LE 60 автобуслари билан тўлдирилди.
Дастлаб 160 та автобуснинг бари (80 та MAN ва 80 та SAZ LE 60) 2018 йилнинг охиригача етказиб берилиши режалаштирилган эди. 2019 йил учун қўшимча автобуслар сотиб олиш кўзда тутилган.
Аввал хабар берилганидек, 2018 йилдан бошлаб сотиб олинаётган автобусларнинг бари кондиционерлар билан жиҳозланган. Бундан ташқари, уларда имконияти чекланган шахслар учун мўлжалланган аппареллар ҳам бор.
Изоҳ (0)