GM Uzbekistan Россияда йиғув ишлаб чиқаришни ташкил қилиш бўйича музокараларни давом эттирмоқда. Бу ҳақда «Podrobno.uz» хабар берди.
Аввалроқ бир қатор ОАВларда GM Uzbekistan компаниясининг Россия Федерациясида ишлаб чиқариш майдонини яратиш бўйича манфаатдорлиги йўқлиги ва музокаралар жараёни якунлангани тўғрисида маълумотлар пайдо бўлганди.
«Биз чет эл бозорларида йиғув ишлаб чиқаришни ташкил этишни ўрганиш юзасидан иш олиб боряпмиз. Қозоғистонда ҳозир ишлаб чиқариш йўлга қўйилган, табиийки, биз ҳудди шундай лойиҳалар имконини бошқа бозорларда ҳам кўриб чиқяпмиз. Россияга тўхталадиган бўлсак, РФ саноат ва савдо вазирлиги билан ҳамкорликда биз ушбу йўналишда ўрганишлар олиб боряпмиз. Ушбу масалани ўрганиш давом этмоқда», — дейди «Ўзавтосаноат» ривожланиш ва маркетинг бўйича раис ўринбосари Умиджон Салимов.
Ушбу ўрганишлар жараёнида компания қандай натижаларга эришиши аниқ бўлади.
«Ҳозирча бу аниқ бир тўхтамга келинганидан далолат бермайди. Ушбу масала ўрганиш жараёнида», — қайд этди Салимов.
Аввал Ўзбекистон Республикаси бош вазир ўринбосари Нодир Отажонов GM Uzbekistan Самара ва Ленинград вилоятларида ишлаб чиқаришни йўлга қўйиш учун музокаралар олиб борилаётгани ҳақида маълум қилинганди. Ушбу маълумотни РФ саноат ва савдо вазири Денис Мантуров ҳам тасдиқлади.
Салимов шунингдек Қозоғистон корхоналарида йиғилган ўзбек автомобилларини Россияга экспорти амалга оширилганини ҳам тасдиқлади.
«Экспортни бошладик. «Ўзавтосаноат» хориж бозорларига бугунги кунда шакллантирилган нарх бўйича автомобилларнинг илк партиясини юборди. Ушбу автомобиллар бозордаги конъюктурани билишга ёрдам беради. Бизга одамларнинг янги нарх омилларига муносабати жуда қизиқ», — дейди у.
Айни дамда Қозоғистонга йиғиш учун 130 та автомобиль юборилди, у ердан тайёр ҳолга келган маҳсулот Россияга экспортга юборилади.
Изоҳ (0)