2018 йилда Норвегияда сотилган янги автомобилларнинг учдан бир қисми электромобиллар бўлди. Бу дунё рекорди ҳисобланади, дея хабар беради Tengrinews.
2025 йилда мамлакат ёқилғида ишловчи автомобиллар сотувидан тўлиқ воз кечишни режалаштирмоқда.
2013 йилда электромобиллар Норвегия бозорининг атиги 5,5 фоизини ташкил этарди. 2017 йилга келиб бу кўрсаткич 20,8 фоизгача кўтарилди, ўтган йили эса 31,2 фоизга етди.
Норвегияда электромобиллар эгалари кўплаб солиқлардан озод этилган ва уларга бепул парковка, кенг тарқалган қувватлантириш нуқталари таклиф этилади.
Изоҳ (0)