5-yanvar, shanba kuni futbol bo‘yicha Osiyo Kubogi—2019 musobaqasi boshlanadi.
BAA mezbonligida o‘tadigan musobaqaning dastlabki o‘yinida odatga ko‘ra “A” guruhi jamoalari ishtirok etadi.
Unga ko‘ra, mezbon BAA terma jamoasi musobaqaning ilk o‘yinida Bahrayn termasi bilan kurash olib boradi. Bellashuv Toshkent vaqti bilan 21:00 da boshlanadi. O‘yinni musobaqa translyatsiya huquqini sotib olgan Sport-TV telekanali jonli efirda namoyish etadi.
Ma’lumot uchun, Osiyo Kubogi—2019 musobaqasida tarixda ilk bor 24 ta jamoa ishtirok etmoqda. Terma jamoalar 6 ta guruhga ajratilgan. Ularda 1 va 2-o‘rinlarni band etgan klublar to‘g‘ridan to‘g‘ri pley-offga yo‘l oladi. Shuningdek, o‘z guruhida 3-o‘rinni egallagan 4 ta jamoa ham keyingi bosqichga chiqadi.
Ektor Kuper boshchiligidagi O‘zbekiston terma jamoasi musobaqaning “F” guruhida Yaponiya, Ummon va Turkmaniston terma jamoalari bilan kurash olib boradi.
O‘zbekiston terma jamoasi ishtirok etadigan “F” guruhi o‘yinlarining taqvimi quyidagicha ko‘rinish olgan:
Osiyo Kubogi—2019
F guruhi o‘yinlari
2019-yil 9-yanvar
1-tur bellashuvlari
Yaponiya – Turkmaniston, Abu-Dabi, soat 16:00
O‘zbekiston – Ummon, Sharja, soat 18:30
2019-yil 13-yanvar2-tur bellashuvlari
Ummon – Yaponiya, Abu-Dabi, soat 18:30
Turkmaniston – O‘zbekiston, Al-Ayn, soat 21:00
2019-yil 17-yanvar3-tur bellashuvlari
Ummon – Turkmaniston, Abu-Dabi, soat 18:30
Yaponiya – O‘zbekiston, Al-Ayn, soat 18:30
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)