Валюта сиёсатини эркинлаштириш давом эттирилади. Бу жамоатчилик муҳокамаси учун тақдим этилган «Фаол инвестициялар ва ижтимоий ривожланиш йили» Давлат дастури лойиҳасида назарда тутилган, дейилади Davletovuz Telegram-каналида.
Жумладан, валюта айирбошлашдаги ва сотишдаги асоссиз чекловларни бартараф этиш, жумладан жисмоний шахсларга нақд валютани сотиш, инвестиция олиб кирган шахслар учун валюта репатриациясини тўлиқ жорий этиш ва валюта айрибошлашни қонунийлаштириш каби чораларини кўриш кўзда тутилмоқда.
Ҳужжат лойиҳасини ишлаб чиқиш 1 мартгача мўлжалланган.
Дастур лойиҳаси юзасидан фикр ва таклифларни http://2019.strategy.uz веб-сайти орқали билдириш мумкин.
Ҳужжат лойиҳаси 249 та банддан иборат бўлиб, Ўзбекистон Республикаси Президентининг 2018 йилнинг 28 декабрь куни Олий Мажлисга тадқим этган мурожаатномасида келтирилган асосий ғоя ва таклифлари ҳамда Ҳаракатлар стратегиясида белгиланган асосий вазифаларни инобатга олган ҳолда ишлаб чиқилди.
Изоҳ (0)