2019 йилда Бош вазир ўринбосарларининг бир вақтнинг ўзида муайян идорага раҳбарлик қилиш амалиётини бекор қилиш кўзда тутилмоқда. Бу ҳақда Davletovuz Telegram-каналида хабар берилди.
Вазирлар Маҳкамаси томонидан унинг иш режасида назарда тутилмаган мажлисларни ўтказиш тақиқланади.
Бу жамоатчилик муҳокамаси учун тақдим этилган «Фаол инвестициялар ва ижтимоий ривожланиш йили» Давлат дастури лойиҳасида назарда тутилган.
Дастур лойиҳаси юзасидан фикр ва таклифларни http://2019.strategy.uz веб-сайти орқали билдириш мумкин.
Ҳужжат лойиҳаси 249 та банддан иборат бўлиб, Ўзбекистон Республикаси Президентининг 2018 йилнинг 28 декабрь куни Олий Мажлисга тадқим этган мурожаатномасида келтирилган асосий ғоя ва таклифлари ҳамда Ҳаракатлар стратегиясида белгиланган асосий вазифаларни инобатга олган ҳолда ишлаб чиқилди.
Изоҳ (0)