Магнитогорскда газ портлаши туфайли кўп қаватли уй подьезди қулаб тушиши оқибатида Ўзбекистон фуқароси жабрланди

Магнитогорскда маиший газ портлаши туфайли кўп қаватли уй подьезди қулаб тушиши оқибатида Ўзбекистон фуқароси жабрланди. Бу ҳақда Россия соғлиқни сақлаш вазири Вероника Скворсова маълум қилди, дея хабар беради «ТАСС».

«Энг оғир жароҳатни 36 яшар Ўзбекистон фуқароси олди. У вайроналар остида 7 соат қолиб кетган, охирида чиқариб олинди. Қовурғалари синган, қорин бўшлиғи шикастланган, қораталоғи ёрилган. У операция қилинди, ҳозирда жонлантириш бўлимида», — деди Скворсова.

Вайрон бўлган подьездда жами 120 киши яшаган. Ҳозирда 30 нафардан ортиқ кишининг тақдири номаълум бўлиб турибди.