Сурияда 215 мингга яқин қочоқ уйларига қайтди

Суриянинг Идлиб шаҳрида террорчилар 20 та аҳоли яшаш пунктида ўт очишни тўхтатиш режимини бузди, деб хабар берди «Вести.ru».

Отишмалар оқибатида бир нафар ҳарбий хизматчи ҳалок бўлди. Бу ҳақда низолашаётган мамлакатларни яраштириш бўйича Россия маркази раҳбари, лейтенант Сергей Соломатин маълум қилган.

Соломатиннинг қўшимча қилишича, марказ  қочоқларни ўтказиш учун ўнлаб пунктлар фаолиятини йўлга қўйган.

29 декабрь, шанба куни 213 632 нафар қочоқ уйларига қайтган.

Террорчилик гуруҳларини тарк этган ва чақирувдан бўйин товлаган 21701 нафар суриялик ҳам авф этилган.

Бельгия ҳукумати оталар ИШИД жангарилари бўлган ва ўлдирилган олти нафар болани мамлакатга қабул қилишини ҳам маълум қилган.

Мамлакат ҳукумати болалар ва уларнинг оналарини зарур ҳужжатлар билан таъминлаш ҳақида қарор қабул қилган.

Бельгия адлияси йиш болаларни террорчилар билан алоқаси учун жавобгарликка тортиш имкони бермайди, бироқ террорчилик фаолияти билан шуғулланган аёллар жазога тортилади.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.