Ишлаб чиқариш қувватларини модернизация қилиш, саноат тармоқларини техник ва технологик жиҳатдан қайта жиҳозлаш жараёнини жадаллаштириш чора-тадбирлари тўғрисидаги Президент қарори қабул қилинди. Бу ҳақда «Ҳуқуқий ахборот» канали маълум қилди.
Қарорга мувофиқ, давлат ёки хўжалик бошқаруви органлари акциялар пакетларининг инвестиция активларини ишончли бошқарувчиларга танлов асосида 5 йилгача бериш шартлари белгиланди.
Мутасадди органлар давлатга тегишли акциялар пакетларини (улушларни) ишончли бошқарувга бериш тартиби тўғрисидаги низом ишлаб чиқиб, ҳукуматга киритади.
2019 йил 1 февралдан олиб кириладиган товарларнинг божхона расмийлаштирувида ваколатли иқтисодий операторлар мақоми қўлланилади.
Шунингдек, қарор билан «Олмалиқ КМК» АЖ, «Ўзметкомбинат» АЖ ва «Ўзиккиламчиранглиметалл» АЖ фаолиятини янада такомиллаштиришга оид «Йўл харитаси» тасдиқланди.