Сиз суратда кўриб турган бола — Улуғбек Жўраев. У 2008 йилда Қашқадарё вилояти Муборак туманида туғилган.
Жўрабекнинг онаси Зулайҳо Саитова таҳририятга мурожаат қилиб, оғир дардга чалинган ўғлининг соғайиб кетиши учун зарур маблағни тўплай олмаётганини маълум қилди.
«2017 йил 17 август ҳаётимдаги энг дахшатли кун. Чунки ўша куни ўғлимга ўткир лимфобластли лейкоз(оққон) ташхиси қўйилди. Шифокорларнинг гапига ишонгим келмасди. Сабаби ўғлим шу пайтгача бирор марта ҳам касал бўлмаган эди. У боғча ва мактабдаги энг фаол ва намунали болалардан бири эди. Доим Жўрабекнинг ютуқларидан фахрланиб юрардим. 2-синфни аъло баҳолар билан тугатган ўғлим аввалига кўп ухлайдиган бўлди, ҳолсизлана бошлади.
Бироз вақтдан кейин оёғидаги оғриқдан шикоят қила бошлади. Иситмаси кўтарилиб кетаверди. Оёқлари шу даражада оғрирдики, ҳатто юролмай қолди. Қашқадарёда аниқ ташхис қўя олмаганларидан кейин Тошкентга келдик. Тезроқ ўғлимнинг касаллигига ташхис қўйилишини хоҳлардим, чунки оғриқсизлантирувчи дорилар таъсир қилмай қолгани учун болам азобланарди», — деб ҳикоя қилади Жўрабекнинг онаси Зулайҳо Саитова.
Шундан сўнг Жўрабекка оққон ташхиси қўйилди.
«Шифокорлар болага қарашга битта одам керак, у умуман ташқарига чиқмайди, боланинг олдига ҳеч ким кирмайди, деб айтишди. Уйимда эса ҳали икки ойлик ҳам бўлмаган чақалоғим бор эди…
Тақдирнинг бу синовларига чидаш учун бардошим етармикан, деб ўйлардим. Чунки оғлимнинг аҳволи оғир эди. Гемоглабин миқдори 68, тромбоцитлари деярли йўқ, лейкоцитлари миқдори эса ошиб кетганди. Россияга ҳам таҳлил жўнатдик. У ердан ҳам қўрқинчли ташхисни тасдиқловчи хабар келди. 48 кун давомида қиммат антибиотиклардан қилинди. 6 марта умуртқасига кимёвий муолажа юборилди.
Кимё олаётган пайтда болам ухлаб қолди. Уйғониб тушида катта капалакка ўтириб жаннатга борганини айтиб берди.
‘У ердаги гулар, капалаклар, дарёларни кўрганингизда эди бу ердагилар уларни олдида ҳеч нарса эмас’ деди, менинг кўзимдан ёшим тўхтамайди бу гапларни эшитиб», — дейди онаизор йиғлаб.
Жўрабек ҳозирда қўллаб-қувватловчи муолажанинг 5-курсини олмоқда. Оила боланинг касаллиги туфайли Тошкент шаҳрида ижрага туриб, яшамоқда. Дори-дармонлардан ташқари ҳар ой 170 доллар ижара учун тўланади. Шунинг учун ҳам оила моддий томондан анча қийналиб қолган. Яхши инсонлар, саховатпешалардан ёрдам кутишмоқда!
Жўрабекнинг соғайиб кетиши учун имкон қадар ҳисса қўшайлик!
Онасининг телефон рақами: 97 31409 85
Пластик карта рақами: 8600 0417 9700 3390
Изоҳ (0)