Ўзбекистон Президентининг «Ўзбекистон Республикаси Инвестиция дастурини амалга ошириш чора-тадбирлари тўғрисида»ги қарорига асосан Radisson Blu меҳмонхонасининг реконструкцияси 40 миллион АҚШ долларга баҳоланди. Бу ҳақда Spot хабар берди.
Лойиҳа 2019 йилда амалга оширилиши зарур бўлган рўйхатга киритилди. Лойиҳанинг прогноз қиймати 40 миллион АҚШ долларни ташкил қилади. Бу кўп йиллик туриб қолган «Чорсу» меҳмонхонасининг таъмирланишидан ҳам қиммат(33 миллион АҚШ доллар).
Потенциал инвестор сифатида Туркиянинг Айсел Инвест корхонаси кўрсатилган. Ҳудди шу номли компания 2002 йилда меҳмонхонани бошқариш учун Вазирлар Маҳкамасининг қарори билан 2002—2003 йилларда ташкил этилган.
2018 йилнинг ёзида Айсел Инвест акциядорлик жамиятидан масъулияти чекланган жамиятга ўзгартирилган. Ушбу икки меҳмонхонадан ташқари 2019 йилнинг истиқболдаги лойиҳалар дастурига қуйидагилар киритилган:
- Бўстонлиқ туманидаги 5-юлдузли меҳмонхона (потенциал инвестор Саудия Арабистоннинг Ал Ҳидая Глобал компанияси, прогноз қиймати —35 миллион АҚШ доллар);
- Тошкентдаги 3—4-юлдузли меҳмонхона (потенциал инвестор Ҳиндистоннинг Orion Group компанияси, прогноз қиймати 100 миллион АҚШ доллар);
- Самарқанд, Бухоро ва Тошкентда меҳмонхоналар тармоғи (потенциал инвестор Ҳиндистоннинг С.C.С. ПВТ компанияси, прогноз қиймати 150 миллион АҚШ доллар);
- Тошкент ва Бухорода 3—4-юлдузли меҳмонхона (потенциал инвестор Ҳиндистоннинг СРБ Group компанияси, прогноз қиймати — 10 миллион АҚШ доллар).
Изоҳ (0)