Андижон шаҳрининг Чўлпон шоҳкўчасида Ёшлар маркази биноси фойдаланишга топширилди. Бу ҳақда ЎзА хабар бермоқда.
Барча қулайликларга эга фаоллар зали, конференция ва форумлар зали, ахборот-ресурс маркази, «Ёш тадбиркорлар» коворкинг маркази ҳамда 500 ўринли асосий залдан иборат марказ биноси Андижон шаҳридаги «Қишлоқ қурилиш» масъулияти чекланган жамияти қурувчи ва мутахассислари томонидан барпо этилди.
2017—2018 йиллар давомида олиб борилган қурилиш-реконструкция ишларига 11 миллиард сўмдан зиёд, жиҳозлаш учун 1,5 миллиард сўм маблағ сарфланди.
Энди Ўзбекистон ёшлар иттифоқи Андижон вилояти кенгаши ҳам мазкур бинода фаолият кўрсатади. Шунингдек, келгусида компьютер саводхонлиги, инглиз, рус, корейс тиллари, шахмат-шашка, тасвирий санъат, пазандалик, рақс, театр, ёш журналистлар, умуман, 6 йўналишда қирққа яқин тўгарак, фитнес клуб, диний-маърифат, психологик ёрдам кўрсатиш маркази фаолияти йўлга қўйилади. Қарийб 1,5 минг нафар йигит-қизни машғулотларга жалб этиш имконияти яратилади.
Изоҳ (0)