Жорий йилнинг 23 декабрь куни Тошкент вилоятининг Олмалиқ шаҳрида яшовчи З.П. ИИБга мурожаат қилиб, унда шу йил 18 декабрь куни номаълум шахс Мирзо Улуғбек кўчасида уни куч ишлатиш йўли билан қўрқитиб, пулларини олиб кетганлигини маълум қилган. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.
Кўрилган чоралар натижасида ушбу жиноятни Олмалиқ шаҳрида яшовчи С.С. ва Ф.А.лар содир этганликлари аниқланиб, ушланган. Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)