Ўзбекистон PwC ва Жаҳон банки ҳамкорлигида амалга оширилган «Paying Taxes 2019» тадқиқотларида (2019 йил солиққа тортиш рейтинги) 64-ўринни эгаллади. Бу ҳақда «Podrobno.uz» хабар берди.
Тадқиқот натижаларига кўра, Ўзбекистонда умумий солиқ ставкаси 32,1% ташкил қилади, бу эса компания давромадида солиқ, кирим ва тўловларининг солиштирма ҳажми саналади. Агар ушбу кўрсаткични бошқа юрисдикциялар билан солиштирса, улар Марказий Осиё ва Шарқий Европа мамлакатлари бўйича ўртадан паст саналади (32,8%), шунингдек Иқтисодий тараққиёт ва ҳамкорлик ташкилоти мамлакатлари кўрсаткичидан ҳам паст саналади (40,2%).
Солиқ қонунчилигига мувофиқлик учун йиллик вақт ҳажми нисбатида Ўзбекистон кўрсаткичи (181 соатни) ташкил қилиб, у Иқтисодий тараққиёт ва ҳамкорлик ташкилоти мамлакатларига ён босади(162 соат), аммо шу билан бирга аксарият Марказий Осиё ва Шарқий Европа мамлакатларини ортда қолдиради (ҳудуд бўйича ўртача кўрсаткич — 220 соат).
Яна бир таққослама кўрсаткич бу йиллик солиқ тўлови бўлиб, ушбу кўрсаткич Ўзбекистон учун 10 та тўловни ташкил қилади. Марказий Осиё ва Шарқий Европа мамлакатлари учун ушбу кўрсаткич 16 та тўловни, Иқтисодий тараққиёт ва ҳамкорлик ташкилоти мамлакатлари учун — 11 та тўлов. Ўртача жаҳон кўрсаткичи йиллик 24 та тўловни ташкил қилади.
Тадқиқотга кўра, дунёнинг 163 мамлакати ҚҚС тизимини қўллайди. ҚҚСни қайтариш бўйича энг яхши кўрсаткич Европа Иттифоқи мамлакатларида, бу эса уларни Марказий Америка, Ўрта Шарқ ва Осиё-Тинч-океани ҳудудларидан ажратиб туради.Марказий Осиё ва Шарқий Европа давлатлари ТОП учлигига Сербия — 91,1, Молдова — 90,8 ва Украина — 86 кирган бир вақтда Ўзбекистон кўрсаткичи 100 дан 48,2 ташкил қилади.
Ўзбекистонга қўшни давлатлар орасида Қозоғистон 56-ўрин, Тожикистон — 136, Россия — 53, Қирғизистон — 150, Арманистон — 82, Озарбайжон — 28. Энг паст даромад солиғини Бруней (8%), Вануату (8,5%), Грузия (9,9%), Қатар (11,3%), Кувайт ва Македония (13%) тадбиркорлари тўлайди. Энг катта солиқ юки —Комор ороллари (219,6%), Аргентинада (106%), Боливия ва Эритрея (83,7%), Экваториал Гвинея (79,4%), Палау (75,8%), Колумбия (71,9%) ва Афғонистон (71,4%)да.
Изоҳ (0)