Бугун, 25 декабрь куни соат 09:00 да Тошкент кичик ҳалқа йўлида «Ватанпарварлик» марафонига старт берилади. Бу ҳақда Мудофаа вазирлиги матбуот хизмати «Дарё»га маълум қилди.
15 километр масафони ташкил этадиган марафон Crafers («Амилов») қандолат фабрикасидан бошланади. Финиш чизиғи Тошкент Жанубий вокзали олдида.
Мазкур марафон «Ватанпарварлик ойлиги» доирасида Мудофаа вазирлиги томонидан ўтказилмоқда. Таъкидланишича, марафонда Қуролли Кучлар вазирлик ва идораларининг ходимлари қатнашади, шунингдек, барча фуқаролар ҳам иштирок этиши мумкин.
Ғолиб ва совриндорлар Тошкент ҳарбий округи қўшинлари қўмондонлиги томонидан медаллар, диплом ва қимматбаҳо совғалар билан тақдирланади.
Марафон муносабати билан Тошкент кичик ҳалқа йўлининг айрим қисми вақтинча ёпилади. Мудофаа вазирлиги юзага келадиган ноқулайлик учун олдиндан узр сўрайди.
Изоҳ (0)