Таиланднинг Банкок шаҳрида бўлиб ўтаётган Open Eurasian Literature Festival & Book Forum-2018 халқаро адабий фестивали доирасидаги «Евроосиё ижодий гильдияси-2018» (OEBF) 7-халқаро танлови ғолиблари сафидан ёзувчи ва драматург Қўчқор Норқобилов ҳам жой олди. Бу ҳақда «Дарё» мухбири Миролим Исажонов хабар бермоқда.
Адибнинг уруш мавзусидаги «Биз жангдан қайтмадик» қиссаси ва туркум ҳикоялари «Дунё генераллари тинчлик учун» халқаро ассоциациясининг «Дунё халқлари ўртасида тинчлик ва ҳамжиҳатликни мустаҳкамлашдаги юксак фаолияти» номинациясига лойиқ, деб топилди.
Олдинроқ ёзувчининг турмуш ўртоғи, шоира Хосият Рустамова мазкур танловда назм йўналиши бўйича «Капалак қўшиғи» мукофотини қўлга киритгани ҳақида хабар берилганди.
Изоҳ (0)