2018 йилнинг 11 ойи мобайнида Ўзбекистон тижорат банклари 4,2 млрд долларлик инвестицион кредитлар ажратди

2018 йилнинг январь ноябрь ойларида Ўзбекистон тижорат банклари томонидан ажратилган инвестиция кредитлари ҳажми 35,1 трлн сўмни (4,2 млрд доллар) ташкил этди. Бу кўрсаткич ўтган йилнинг айни шу даврига нисбатан 2,4 марта кўп, дея хабар беради Марказий банк.

Инвестицион маблағларнинг асосий қисми тармоқ ва минтақавий ривожланиш дастурлари, маҳаллийлаштириш дастурига киритилган лойиҳаларни молиялаштиришга йўналтирилган.

Олдинроқ, Ўзбекистон президенти мамлакатда балиқчилик билан шуғулланувчи тадбиркорларга кредитлар бериш тўғрисида қарор қабул қилганди.

Шунингдек, мазкур имтиёзлар паррандачилик билан шуғулланувчи тадбиркорларга ҳам берилади.

Инвестицион кредитлар – узоқ муддатли ва мақсадли заёмлар бўлиб, аниқ инвестицион дастур асосида берилади.