«Ватанпарварлик» ойлиги доирасида «Мард ўғлонлар номи барҳаёт» шиори остида Чирчиқ олий танк қўмондонлик-муҳандислик билим юрти ҳарбий хизматчилари, ҳуқуқни муҳофаза қилувчи орган ходимлари ва Қуролли Кучлар фахрийлари томонидан 15-сонли умумтаълим мактабида ҳалок бўлган ҳарбий хизматчи капитан Васильев Равиль Рашидович хотирасига ўрнатилган бюст олдида маънавий-маърифий тадбир ташкил этилди.
Марҳум капитан Р.Васильев хотирасини ёдга олиш ва кўрсатган юксак жасорати учун эҳтиром кўрсатиш мақсадида мактабнинг аълочи ўқувчилари томонидан давлат мадҳияси ижросида давлат байроғи кўтарилди. Мактаб ўқувчилари томонидан юрт тинчлигига тажовуз қилган террористик ҳаракатларга қарши курашда қаҳрамонларча ҳалок бўлган капитан Р.Васильевнинг жасорати ёдга олинди. Сўнг ўқувчи-ёшлар ва ҳарбийлар томонидан мактаб ҳовлисига ўрнатилган ҳайкали пойига гул қўйилди.
Тадбир давомида мактабнинг бошланғич ва юқори синфларида ўқиётган ўқувчилар учун «Жасорат» дарслари ўтказилди. Тадбир «Ватанпарварлик» ойлиги доирасида ўтказилаётганлиги муносабати билан мактабнинг ўқувчи қизлари «Ватан ҳимоячилари куни» байрами билан ҳарбийларни ва ўғил бола синфдошларини табриклаб, тадбир кайфиятига кайфият улашишди.
Тадбир сўнггида марҳум капитан Р.Васильев хотирасига курсантлар ва ўқувчилар ўртасида «Шахмат-шашка» спорт ўйини ўтказилди ва ғолиблар билим юрти қўмондонлиги томонидан совғалар билан тақдирланди.
Изоҳ (0)