Файзбек Баҳриддинов 2014 йил 30 апрелда Сурхондарё вилоятида таваллуд топган. У бир йилдан бери қўрқинчли ташхис — ўткир лимфобластли лейкоз билан курашмоқда. Онасининг сўзларига кўра, унга 86 фоизли оққон ташхиси қўйилган.
Айни кунларда она-бола пойтахтда. Ҳозир қўллаб-қувватловчи курсда.
2017 йилнинг октябрь ойини охирги кунларини бирида болада иштаҳани йўқолиши, қони камайиши ва қаттиқ оёқ оғриши бошланган. Бундан ташвишга тушган она фарзандини тумандаги шифохонага олиб борган. Тумандаги шифокорлар вилоятга олиб боришларини айтишган.
Бу вақт ичида боланинг аҳволи янада оғирлашган. Ниҳоятда озиб, роса қони камайиб кетган. Бемор вилоят шифохонасига олиб бориб текширилган ва уч кун давомида даволанган. Лекин, соғлиғи ижобий томонга ўзгармай, салбий томонга ўзгариши кузатилган. Улар Файзбекни оққон касалига чалинганини тахмин қилишиб, уни Тошкент шаҳрида жойлашган Онкогематология марказидаги малакали шифокорлар қўлида текширтириб, даволатиш зарурлигини айтишган. Шундан сўнг Тошкент шаҳрига йўлланма олган муштипар она пойтахтга шошган.
«Бир неча оғир даволаш курсларидан кейин бор пулимиз ҳам тугаб битди. Қариндошлардан, танишлардан олинган қарзимиз миқдори 25 миллион сўмдан ошиб кетгани ва ҳар курсда беш миллион сўмдан ортиқ маблаг талаб этилаётгани учун қийин вазиятда қолиб, курсларни давом эттиришга моддий томондан имкониятимиз етмай қолди. Умидим аввало Аллоҳдан, сўнгра саховатпеша инсонлардан», — дейди онаси.
Муштипар она саховатли инсонлар кўмагига муҳтож. Унга ёрдам қўлини чўзайлик. Бир аёлнинг фарзанди соғлом ҳолда бағрига қайтишига кўмакчи бўлайлик.
Хайрия қилмоқчи бўлганлар учун керакли маълумотлар:
Пластик карта орқали: (Click, Payme) Онаси Мусурманова Саломат номига очилган.
Халқ банки: 8600-0609-2379-0464
Хориждан маблағ юбормокчи бўлганлар учун паспорт малумотлари:
Мусурманова Саломат Рузмаматова
Паспорт рақами: АА 3128511
Онаси Саломат Мусурманованинг телефон рақами:
+99890 523 50 07
Изоҳ (0)