Тожикистон ҳукумати мамлакатни июнда Қозоғистон Сенати Халқаро алоқалар, мудофаа ва хавфсизлик қўмитаси раиси Дариға Назарбоева ташаббуси билан жорий этилаётган «Осиё Шенгени»га қўшилиш масаласини ўрганмоқда. Бу ҳақда «News.tj» хабар берди.
Ўшанда у чет эллик саёҳларни жалб қилиш учун Ўзбекистонга Шенген визасининг Осиё варианти Silk Visa яратишни таклиф қилган.
Марказий Осиё мамлакатлари ўртасида «Ипак йўли визаси»нинг жорий этилиши ҳудудга чет эллик сайёҳлар оқимини оширади.
Silk Visa лойиҳаси дастлаб Ўзбекистон ва Қозоғистон ўртасида 2019 йилнинг февралидан йўлга қўйилади.
«Ўзбекистон ва Қозоғистоннинг Silk Visa лойиҳасининг дастлабки натижалари ўрганилиб, кейинги йил ўрталарида сўнгги қарорга келинади», — дейди Ўзбекистоннинг Туризмни ривожлантириш бўйича давлат қўмитаси раиси ўринбосари в.б. Улуғбек Қосимхўжаев.
«Silk Visa лойиҳаси икки мамлакат идоралари томонидан келишилди, «фақат техник томонларини ўрганиш қолди», — деб ёзади «Газета.uz».
Улуғбек Қосимхўжаев мазкур визага Қирғизистон ва Тожикистон қизиқиш билдираётгани, Туркманистон эса кўриб чиқаётганини маълум қилди.
Мазмунан, «Ипак йўли виза»си эгаси Марказий Осиё мамлакатларидан бирига кириб, кейин бошқа республикалар ҳудудида эркин ҳаракатланиш имконига эга бўлади.
Қозоғистон мазкур лойиҳага Озарбайжон ва Туркияни ҳам қўшмоқчи.
Эслатиб ўтамиз, Ўзбекистон ва Қозоғистон Ипак йўли мамлакатлари ўртасида виза тартибини жорий этиш ҳақида ноябрь ойи ўрталарида келишув имзолаган.
Изоҳ (0)