23 декабрь куни Сурхондарё вилоятининг Сариосиё туманидаги «Сардор» тўйхонасида 104 нафар болажонларнинг суннат тўйи ўтказилди. Бу ҳақда вилоят ҳокимлиги матбуот хизмати хабар бермоқда.
Болажонларнинг ота-оналари, яқинлари, давлат ва жамоат ташкилотлари вакиллари, маҳалла фаоллари, фахрийлар иштирок этган тўйда Президент раҳнамолигида ёшларнинг бахтиёр ва фаровон яшаши учун замонавий шароитлар яратишга, ҳаётда муносиб ўрин топишига алоҳида эътибор қаратилаётгани таъкидланди.
Тумандаги «Ўзагролидер» масъулияти чекланган жамияти ҳомийлигида ташкил этилган тадбир муносабати билан суннат қилинадиган болаларга кийим-кечак, тўйбола сарполари ва бир бошдан қўй ҳадя қилинди.
Ўзбекистонда хизмат кўрсатган артист Равшан Комилов ҳамда тумандаги фольклор-этнографик халқ ансамбли ижросидаги куй-қўшиқлар даврага ўзгача файз киритди.
Изоҳ (0)