Fitch Ratings Ўзбекистонга хорижий ва миллий валютада «BB-» даражадаги узоқ муддатли рейтингларни берди. Прогноз — барқарор. Бу ҳақда «Spot» хабар берди.
Агентликнинг қайд этишича, Ўзбекистон макроиқтисодий барқарорликни таъминлайдиган улкан ислоҳотларни амалга ошира бошлади.Fitch’нинг таъкидлашича, ташқи баланс рейтингда асосий омил ҳисобланади. Айтайлик, 2018 йил охирида суверен аниқ хорижий активлар ЯИМнинг 46 фоизида прогноз қилинмоқда. 2018 йил охирида прогноз қилинган валюта захиралари 26,9 миллиард АҚШ долларини ташкил этади, бу жорий ташқи тўлов ҳисобининг 14,8 ойига тенг.Fitch валюта бозорининг яқинда бошланган либераллашуви ички талабнинг юқори экани, юқори импортга эга давлат секторидаги инвестицион лойиҳалар ҳамда муҳим савдо ҳамкорлари томонидан нисбатан паст талаб билан бирлашиб, 2018 йилда жорий ҳисобнинг ЯИМдан 2,7%лик дефицитга олиб келишини кутмоқда.
«Дефицит асосан тўғридан-тўғри хорижий инвестициялар ҳисобига молиялаштирилади, аммо ислоҳотларни эълон қилиш ва уларни амалга ошириш ўртасида кечикиш бўлиши мумкин», — деб ҳисоблайди Fitch.Хабарда қайд этилишича, Ўзбекистоннинг товарга қарамлиги юқори, аммо экспорт базасида битта товарнинг мутлақ устунлиги йўқ — олтин, табиий газ, метал ва пахта умумий экспорт ҳажмидан 60 фоизни ташкил қилади.«Россия Ўзбекистоннинг асосий савдо ҳамкори бўлиб қолмоқда, мигрантларнинг пул ўтказмалари 80% ҳамда асосий хорижий инвестор», — таъкидлайди Fitch.
Fitch ҳукумат валюта курсининг мослашувчанлигини қўллаб-қувватлаб, иқтисодиётнинг шокларга қарши туриш қобилиятини ушлаб, ташқи дисбаланслар ортишини босиб турилишини кутмоқда.Агентлик фикрича, 2018 йилда инфляция даражаси 17,9 фоизни ташкил этади ва 2019—2020 йилларда аста-секин камайиб, 16,8 фоиз ҳамда 14 фоизга тенг бўлади.
Изоҳ (0)