Адлия ва Халқ таълими вазирлиги таълим соҳасида қонун устуворлигини таъминлаш борасида ҳамкорлик қилади. Бу ҳақда Адлия вазирлиги ахборот хизмати «Дарё»га хабар берди.
Халқ таълими соҳада қонун устуворлигини таъминлаш ва қонун ҳужжатлари ижросини ташкил қилиш, бу соҳага доир қонун ҳужжатларини кенг тарғиб қилиш, ёш авлоднинг ҳуқуқий саводхонлиги ва маданиятини ошириш мақсадида Адлия ҳамда Халқ таълими вазирлиги ўртасида қўшма лойиҳа имзоланди.
Лойиҳада, хусусан халқ таълими муассасаларида ҳуқуқий саводхонлик бурчакларини ташкил этиш, соҳа ходимлари фаолиятини меҳнат қонунчилиги талабларига мувофиқ ташкил этишда кўмаклашиш кўзда тутилган.
Шунингдек бутун республика бўйлаб халқ таълими муассасаларида коррупцияга қарши курашиш ва «одоб-ахлоқ» ойлиги ўтказилиб, таълими муассасаларидаги коррупция ҳақида тезкор ва аноним хабар бериш тизими такомиллаштирилади.
Бундан ташқари ўқувчилар ва ота-оналар иштирокида ўқитувчи обрўси, шаъни ва қадр-қимматини оширишга қаратилган тадбирлар амалга оширилади.
Изоҳ (0)