АҚШ Туркияга парвозга қарши ракета тизими Patriot’ни етказиб беришни маъқуллади

Мазкур битимнинг қиймати 3,5 миллиард АҚШ долларни ташкил этади. Бу ҳақда «Эхо Москви» хабар берди.

Туркия, 20 та ракета ва 80 қирувчи-ракетани ўз ичига олган 4 та Patriot мажмуасини сотиб олишни режалаштирмоқда.Пентагондан берилган маълумотларга кўра, Анқара уларни ракета мудофаа салоҳиятини кучайтириш ва минтақавий таҳдидларни бартараф этиш учун ишлатади. Бундан ташқари, Вашингтоннинг фикрича, Туркия НАТОнинг муҳим иттифоқдоши сифатида Яқин Шарқдаги терроризм таҳдиди олдида ўз хавфсизликни оширмоқчи.30 кун ичида АҚШ Конгресси битимни тасдиқлаши ёки бекор қилиши керак.

Бир оз аввал, Туркия Президенти Ражаб Тоййиб Эрдўғоннинг расмий вакили Анқаранинг Patriot мажмуасини фақат ўз мудофааси учун сотиб олаётганини билдирганди. Шу билан бирга ўтган йил охирида Туркия Россия билан С—400 зенит-ракеталар тизимини етказиб бериш тўғрисида шартнома имзолаган.

Келишув 2,5 миллиард АҚШ долларни ташкил этади.

Аввалроқ, АҚШ Сенати Туркияга Россия C—400 тизимлари ёки Америка Ф—35 қирувчиларини сотиб олишни танлашни таклиф қилган. Анқарада эса улар Москва билан якуний келишувга келганини ва бекор қилиниши мумкин эмаслигини таъкидламоқда.