Литва махсус хизматлари Россия фойдасига жосусликда гумонлаб, бир неча кишини қўлга олди. Қўлга олинганлар орасида аввалроқ Россия тарафдори бўлган «Бирлик» ташкилотига раҳбарлик қилган россиялик Валерий Иванов ҳам бор, деб ёзмоқда «Интерфакс».
Хабар берилишича, Ивановнинг қўлга олиниши Литва миллий хавфсизлигига таҳдидни юзага келтирувчи шахслар тармоғининг фаолияти фош этилгани билан боғлиқ. Бундан ташқари, Ивановнинг уйидаги тинтув вақтида у ердан қурол топилган. Айни пайтда малакат ҳуқуқни муҳофаза қилувчи идоралари қуролнинг жосуслик фаолияти билан боғлиқ ёки йўқлигини аниқламоқда.
Литва давлат хавфсизлик департаменти томонидан маълум қилинишича, ноқонуний ҳаракатларнинг мақсади маълумот тўплаш ва мамлакатдаги сиёсий жараёнларга таъсир кўрсатиш бўлган.
Изоҳ (0)