13 декабрь куни чимкентлик тадбиркор Саухон Оташбек ўгли мамлакат мустақиллик куни арафасида 200 нафар кам таъминланган оилаларга зарурий озиқ-овқат маҳсулотлари ва гиламлар тарқатди, деб хабар берди «Nur.kz».
Хайрия тадбири Ойбек ота масжидида ўтказилди. Тадбиркор ушбу эҳсон учун 20 миллион танга ажратганини маълум қилган.
Бунга қадар тадбиркор Чимкент ва Туркистон вилоятларининг кам таъминланган оилаларига 50 минг тангадан улашган эди. Пулдан ташқари оилаларга маиший техника жиҳозлари ҳам берилган.
Саухон Оташбек ўғли хайрия тадбирини жорий ҳафта охирига қадар давом эттиради.
«Биз ушбу акцияни Оллоҳ розилиги учун ўтказмоқдамиз. Албатта бу ишимиз билан бошқа тадбиркорларга ҳам ўрнак бўлишни истаймиз. Мамлакатимизда ночор инсонлар кўп. Биз оиламиз билан бундай акцияни ҳар йили ўтказамиз. Шунинг учун бу тадбир яхши анъанага айланган. Бундай тадбирни Рамазон ва Наврўз байрамлари арафасида ҳам ўтказмоқчиман», — дейди тадбиркор.
Қайд этилишича, тадбиркор ўз ходимларининг оилалари ҳақида ҳам ғамхўрлик қилади ва уларга қийин шароитларда ёрдам кўрсатади.
Изоҳ (0)