Reuters нашри Johnson&Johnson’ни чақалоқ упасида саломатлик учун хавфли бўлган асбест (тошпахта) қўллаганликда айбловчи текширувларни эълон қилди. Бу ҳақда «Afisha Daily» хабар берди.
Текширувда айтилишича, биринчи марта чақалоқ упасида асбест борлиги ҳақида 1957—1958 йилларда гап тарқалган ва 1970 йилларда Johnson&Johnson упа ва тайёр маҳсулотларни синаб кўрганда асбест моддасини топган, лекин ушбу маълумотларни ошкор қилмаган.Reuters маълумотларига кўра, компания чақалоқлар упасини тадқиқ қилишни буюртма қилган, бироқ мақола ёзиш учун компаниянинг текширувларига асосан ишлайдиган махсус муаллифни ёллаган.
Мақолада асбестни упада 1971 йиллардан 2000 йиллар бошига қадар бўлган даврда топилган деб хулоса қилинган.Johnson&Johnson вакиллари ушбу терговни шарҳлаб, «бир томонлама, ёлғон ва иғво» деб атади. Компания упа «минглаб мустақил синовлардан» ўтган бўлиб, уларда асбест аниқланмаганини маълум қилди. Шундай бўлсада, Reuters’нинг мақоласидан сўнг Johnson&Johnson’нинг бозор баҳоси 39,8 миллиард АҚШ долларга тушиб кетди.Июль ойида суд томонидан Johnson&Johnson упасида ўпка, ҳиқилдоқ ва тухумдон саратонини келтириб чиқаришимумкин бўлган асбест моддаси мавжудлиги тан олиниб, компания 4,7 миллиард АҚШ доллар жаримага тортилди. Компанияга нисбатан 22 нафар аёл даъво қилган, шулардан олти нафари вафот этган.
Изоҳ (0)