Халқаро меҳнат ташкилоти (ХМТ) бош директори Гай Райдер ташкилоти тарихида илк бор Ўзбекистонга расмий ташриф билан келди. У ЎзАга берган интервьюсида Ўзбекистон билан ҳамкорликнинг бугунги ҳолати ва истиқболлари ҳақида сўзлаб берди.
Ташрифим доирасида Президент Шавкат Мирзиёев билан учрашиш шарафига муяссар бўлдим. Музокара дўстона ва конструктив руҳда кечди. Унда ҳамкорлигимиз давомида эришилган ютуқлар ва истиқболли режалар юзасидан фикр алмашдик.Ўзбекистон билан мажбурий меҳнатга чек қўйиш бўйича фаол ҳамкорлик қилиб келмоқдамиз. Ўзаро англашув ва ишонч асосида олиб борилган саъй-ҳаракатлар натижасида ушбу масалалар бўйича ютуқларга эришяпмиз. Қайд этишни истардимки, бугун Халқаро меҳнат ташкилоти Ўзбекистонда меҳнат муносабатларида амалга оширилаётган ишларни қўллаб-қувватлайди.
Сафар доирасида «Барқарор тараққиёт мақсадлари доирасида муносиб бандликни таъминлаш: халқаро амалиёт ва Ўзбекистон тажрибаси» мавзусида ташкил этилган халқаро конференцияда иштирок этдим. Халқаро меҳнат ташкилоти ташкил этилганининг 100 йиллиги арафасида ўтказилган ушбу нуфузли анжуман келгусидаги фаолиятимиз йўналишларини ва мақсадларини белгилаб олишда муҳим аҳамият касб этади.
Гай Райдер, Халқаро меҳнат ташкилоти бош директори
Изоҳ (0)