Яқинда НКМК Шимолий кон бошқармасида ўтказилган товар моддий бойликларни ҳисобга олиш текширишлари жараёнида 19—20 асрга тегишли заргарлик буюмлари топилди. Бу ҳақда Маданият вазирлиги матбуот хизмати хабар берди.
Ноёб ашёлар Маданият вазирлиги Бадиий экспертиза бўлими томонидан экспертиза қилинди ва мутахассислар хулосаси олинди.
Унга кўра, заргарлик буюмлари бадиий ва этнографик аҳамиятга эга. Уларнинг энг қадимгиси манғитлар тангаси бўлиб, у 1885-1910 йилларда Бухорода ҳукмронлик қилган Абдулаҳадхон даврида зарб қилинган ва танганинг ёши қарийб 130 йилни ташкил этади.
Нодир топилмалар бугунги кунда Навоий шаҳридаги «Фарҳод» маданият саройида - НКМК тарихи музейида сақланмоқда.
Изоҳ (0)