Yaqinda NKMK Shimoliy kon boshqarmasida o‘tkazilgan tovar moddiy boyliklarni hisobga olish tekshirishlari jarayonida 19—20 asrga tegishli zargarlik buyumlari topildi. Bu haqda Madaniyat vazirligi matbuot xizmati xabar berdi.
Noyob ashyolar Madaniyat vazirligi Badiiy ekspertiza bo‘limi tomonidan ekspertiza qilindi va mutaxassislar xulosasi olindi.
Unga ko‘ra, zargarlik buyumlari badiiy va etnografik ahamiyatga ega. Ularning eng qadimgisi mang‘itlar tangasi bo‘lib, u 1885-1910 yillarda Buxoroda hukmronlik qilgan Abdulahadxon davrida zarb qilingan va tanganing yoshi qariyb 130 yilni tashkil etadi.
Nodir topilmalar bugungi kunda Navoiy shahridagi “Farhod” madaniyat saroyida - NKMK tarixi muzeyida saqlanmoqda.
Izoh (0)