GLOBAL G.A.P. ва Organic стандартлари талабларига мувофиқ сертификатлаштириш бўйича халқаро тан олинган Франциянинг ECOCERT сертификатлаштириш идораси ва Республика синов сертификатлаштириш идораси ўртасида меморандум имзоланди. Бу ҳақда «Ўзстандарт» агентлиги ахборот хизмати «Дарё»га хабар берди.
ECOCERT сертификатлаштириш идораси Ўзбекистонда қишлоқ хўжалиги соҳасида ишлаб чиқарилаётган маҳсулотларини GLOBAL G.A.P. ва Organic стандартлари асосида сертификатлаштиришда ва экспертлар тайёрлашда амалий ёрдам кўрсатади.Бугунги кунда халқаро тажриба Европа бозорларига қишлоқ хўжалиги маҳсулотларини экспорт қилишда GLOBAL G.A.P. сертификати муҳим эканлигини кўрсатади. БМТ Тараққиёт Дастурининг «Савдо ривожланишига кўмаклашиш» лойиҳаси доирасида тайёрланган маълумотларга кўра, ҳозирда GLOBAL G.A.P. тизими томонидан дунёнинг 124 дан зиёд мамлакатларидаги ишлаб чиқарувчилар сертификатланган. Сертификатга эга хўжаликларнинг умумий сони 170000 дан ошади, сертификатланган хўжаликларнинг умумий сонидан узимчилик маҳсулотлар (шу жумладан мева ва сабзавотлар) улуши тахминан 75 фоизни, чорвачилик маҳсулотларининг улуши 15 фоизни, акваэкинлар улуши эса 10 фоизни ташкил этади.
Изоҳ (0)