9 декабрь, якшанба куни профессионал боксда фаолият олиб бораётган ўзбекистонлик Баҳодир Жалолов ўзининг навбатдаги жангини ўтказди.
Баҳодир проф рингдаги 4-жангида америкалик Валентин Маркес рақиблик қилди. Ўзбекистонлик боксчи рақибини 1-раунддаёқ нокаутга учратиб навбатдаги ғалабасини қўлга киритди.
Жангга АҚШнинг Калифорния штати, Ла Пуэнте шаҳридаги Industry Hills Эхпо Cентер аренаси мезбонлик қилди.
Қайд этиш жоиз, Баҳодир проф рингдаги 4 та жангида ҳам нокаут эвазига ғалаба қозонди. Унинг рақиби Валентин Маркеснинг жанглари сони 10 та бўлиб, 5 та жангда ғалаба қозонган бўлса, 5 тасида мағлубиятга учраган.
Изоҳ (0)