Тошкент шаҳрининг Чилонзор туманида яшовчи фуқаро Б.С.нинг Дилором исмли танишига нисбатан жиноят иши қўзғатилган ва бу иш бўйича давлатга етказилган зарарни қоплаш керак бўлган.
Шунда Б.С.га асли Сирдарё вилоятида яшовчи Д.А. учраган. У Дилором томонидан давлатга етказилган зарарни ўз фирмаси орқали ёпиб беришини айтиб, алдаш йўли билан Б.С.дан 22 минг доллар олган. Лекин ваъдасини бажармаган.
Бу воқеа 2017 йил декабрида ойида бўлган. Б.С. орадан бир йил ўтиб, 2018 йил 7 декабрь куни Учтепа туман ИИБга мурожаат қилган. Шундан сўн кўрилган чоралар натижасида Д.А. дарҳол ушланган.
«Ҳолат юзасидан жиноят иши қўзғатилиб, тергов ҳаракатлари олиб борилмоқда», — дейилади Ўзбекистон ИИВ Жамоатчилик ва ОАВ билан алоқалар бошқармаси ахборотида.
Изоҳ (0)