Миллий гвардия Ҳарбий-техник институтига ўқишга кирувчи номзодларнинг дастлабки танлаш тадбирларини ўтказиш тартиби тўғрисидаги низом Адлия вазирлигида давлат рўйхатидан ўтказилди.
Низомга мувофиқ, Миллий гвардия Ҳарбий-техник институтига ўқишга киришни хоҳлаган фуқаролар ўзларининг яшаш жойидаги мудофаа ишлари бўйича бўлимларга ариза билан, ҳарбий хизматчилар эса ўз хизмат ўташ жойига тегишли равишда билдирги билан мурожаат қилади.
«Темурбеклар мактаби» ҳарбий-академик лицейлари ва Миллий гвардия Республика ихтисослаштирилган мусиқа академик лицейи битирувчилари орасидан Институтга ўқишга кириш учун номзодларнинг шахсий йиғма жилдлари улар жойлашган ҳудуддаги мудофаа ишлари бўйича бўлимлари томонидан расмийлаштирилади.
Ўқишга кириш учун аризалар (билдиргилар) қабул йилининг 1 февралидан 1 апрелига қадар қабул қилинади.
Институтга ўқишга киришни хоҳлаган номзодлар томонидан мудофаа ишлари бўйича бўлимларга қуйидаги ҳужжатлар тақдим этилади:
Дастлабки танлаш тадбирлари икки босқичда ўтказилади.
Биринчи босқич қабул йилининг 1 февралидан 31 мартига қадар амалга оширилади. Бунда қуйидаги тадбирлар ташкил этилади ва ўтказилади:
- ҳужжатларни тўплаш ва ўрганиш;
- якка тартибдаги суҳбат;
- бирламчи тиббий кўрик.
- индивидуал-психологик ўрганиш;
- умумжисмоний тайёргарлик даражасини баҳолаш;
- такрорий тиббий кўрик.
Номзодларнинг ҳужжатларини тўплаш ва ўрганиш ишлари дастлабки танлаш тадбирларининг биринчи босқичи якунлангунга қадар (31 мартга қадар) амалга оширилади.
Соғлиғининг ҳолатига кўра институтда ўқишга яроқсиз деб ҳисобланган, шунингдек психологик тест синови натижалари бўйича дастлабки танлашнинг кейинги тадбирида иштирок этишга тавсия этилмаган номзодлар кейинги тадбирларига қўйилмайди.
Изоҳ (0)