Тошкент шаҳрида «Tashkent Central Park» кўп тармоқли комплекс қурилиш лойиҳаси амалга оширилади. Бу ҳақда Вазирлар Маҳкамаси қарорида келтирилган, деб ёзади Spot.
Қарорга биноан лойиҳани Туркиянинг «Taşkent Merkez Park Gayrimenkul Yatirim Anonim Şirketi» ва Ўзбекистоннинг «UzTur Investment and Development» компанияси амалга оширади.
Инвесторлар лойиҳани амалга ошириш доирасида 2019−2020 йилларда ўз маблағлари ва жалб қилинган маблағлар ҳисобидан лойиҳа ҳужжатларига мувофиқ беш юлдузли меҳмонхона, савдо-кўнгилочар марказ, тижорат банки учун маъмурий бинолар ва бошқа иншоотлар қуриш мажбуриятини олди.
Лойиҳани амалга ошириш доирасида инвесторлар ва пудрат ташкилотларига:
- қурилишни «fast-track» услубида, фойдаланишга «тайёр ҳолда топшириш» шартларида амалга оширишга;
- қурилиш учун олиб келинадиган импорт товарларни омборларда «божхона омбори» режимида жойлаштиришга рухсат берилди.
Лойиҳа Тошкент шаҳар, Юнусобод туманидаги Амир Темур шоҳ кўчаси, Шаҳрисабз ва Истиқлол кўчалари доирасидаги умумий майдони 2,5 гектар бўлган майдонда барпо этилади.
Изоҳ (0)