Ўзбекистон Халқ таълими вазири Шерзод Шерматов 5 декабрь куни БМТнинг бола ҳуқуқлари қўмитаси раиси Рената Винтерни қабул қилди, деб хабар берди вазирлик ахборот хизмати.
Учрашувда БМТ делегацияси таркибига UNICЕF’нинг Ўзбекистондаги ваколатхонаси раҳбари Саша Грауман бошчилигида ушбу ташкилот ходимлари ҳам иштирок этди.
Томонлар мазкур учрашув доирасида халқ таълими тизимида бола ҳуқуқларини ҳимоя қилиш масалаларини атрофлича муҳокама этди.
Жумладан, томонлар илғор хорижий тажриба асосида тарбияси қийин бўлган болалар билан ишлаш тизимини такомиллаштириш ва Ўзбекистонда инклюзив таълимни ривожлантириш масалалари бўйича фикр алмашди.
Халқ таълими вазирлиги таклифига кўра, томонлар тарбияси қийин бўлган болалар билан ишлаш тизимини такомиллаштириш ва ногиронлиги бўлган болалар ҳуқуқларини таъминлаш учун таклифлар ишлаб чиқиш учун ишчи гуруҳ тузишга келишиб олди.
Изоҳ (0)