«Made in Uzbekistan» биринчи халқаро кўргазма-ярмаркасида 1000 дан ортиқ уй-рўзғор буюмлари намойиш этилди

27—30 ноябрь кунлари Тошкентда Ўзбекистон Республикаси Ташқи савдо вазирлигининг ташаббуси билан «Ўзэкспомарказ» МКМ билан ҳамкорликда «Made in Uzbekistan» биринчи Халқаро экспорт кўргазма-ярмаркаси бўлиб ўтди, деб хабар берди Ташқи савдо вазирлиги ахборот хизмати.

Иккита павильонда, шунингдек, 5000 метр квадрат майдонда жойлашган «Ўзэкспомарказ» МКМ очиқ майдончасида 1000 дан ортиқ турдаги уй-рўзғор буюмлари намойиш этилди. Ўзбекистонда 150 га яқин корхона хорижий меҳмонларга ўз салоҳиятларини намойиш этиш имкониятига эга бўлди. Тўрт кун мобайнида ушбу ярмаркада Марказий Осиё, Афғонистон, Россия, Беларусь, Озарбайжон, Чехия, Хитой, Ҳиндистон, Корея Республикаси, Австралия ва бошқа мамлакатлардан ташриф буюрган ишбилармон доиралар ва харидорларининг 800 нафардан ортиқ вакиллари иштирок этди.

«Ўзбекистоннинг ривожланиш динамикасини акс эттирадиган жуда қизиқарли кўргазма. Энг муҳими, қамров ва шаффофлик ёқди: маҳаллий ишлаб чиқаришнинг барча соҳалари намойиш этилиб, ишлаб чиқариш корхоналарига ташрифлар ташкил этилди. Алоҳида таъкидлаш жозики, саноат корхоналарида ишлаб чиқариш жараёнлари яхши ташкил этилганлиги тайёр маҳсулотнинг юқори сифатли бўлишини таъминлайди», – деб шарҳлади кўргазма иштирокчиси германиялик Питер Родхе.

Меҳмонларга юқори сифатли маҳсулотларнинг кенг номеклатураси билан танишиш, шунингдек, Ўзбекистондан товарларни етказиб бериш бўйича шартномалар ва битимлар тузиш имконияти берилди.

Кўргазма якунида фаол иштирокчиларга эсдалик совғалари ва сертификатлар топширилди. Иштирокчилар қуйидаги йўналишлар бўйича тақдирланди:

• Энг инновацион стенд – «Daiichi» компанияси;
• Энг кўп ташриф буюрилган стенд – «Узчармсаноат» уюшмаси;
• Энг маълумотга бой стенд – «Ўзбекнефтегаз» АЖ;
• Энг кўп маҳсулотга эга стенд – «Artel Engineering and Management» МЧЖ;