Ўзбекистонда илк бора уюштирилаётган «Дельфинлар шоу»си Ўзбек давлат циркида тайёргарликни бошлаб юборди, дея хабар бермоқда Маданият вазирлиги.
Ҳозирда ушбу шоуни ўтказиш учун 3 та дельфин, 2 та денгиз мушуги ва бир дона денгиз арслони келтирилган. Уларнинг барчасининг жами вазни 2 315 килограммни ташкил этади.
Ушбу сув ҳайвонлари қизил китобга киритилган сут эмизувчи ўта нозик ҳайвонлар ҳисобланади.Уларни боқиш учун барча маҳсулотлар ҳам денгиздан келтирилган бўлиб, дельфинлар яшаши учун сувнинг ҳароратини бир хилда ушлаб туриш ишлари талаб даражасида амалга оширилди.
— 10 декабрь куни «Дельфинлар шоу»сини бошлаш арафасидамиз, – дейди Ўзбекистондаги дельфин-шоу раҳбари Абдулазиз Ҳусанов.
Изоҳ (0)