«Обод қишлоқ« дастури доирасида жорий йил Тошкент вилоятининг 45 та қишлоғида 410 миллиард сўмликдан ортиқ қурилиш-ободонлаштириш ишлари амалга оширилиши белгиланган эди, деб ёзади ЎзА.
Маълумотларга кўра, жорий йил вилоятда 17 минг 400 дан ортиқ якка тартибдаги, 35 та кўп қаватли уйларни таъмирлаш ва ободонлаштириш, 127 километр ичимлик суви, қарийб 390 километр электр энергияси, 140 километрдан ортиқ газ тармоғини таъмирлаш ва янгидан тортиш, 310 километрдан ортиқ ички ва хўжаликлараро йўлларга шағал ва асфальт ётқизиш, таъмирлаш, 180 километрдан зиёд ирригация ва мелиорация тармоқларини яхшилаш режалаштирилган. Шунингдек, 70 дан ортиқ ижтимоий соҳа, 150 га яқин бозор инфратузилмаси объектларини қуриш ва таъмирлаш бўйича вазифалар белгиланган.
Изоҳ (0)