Toshkent viloyatida “Obod qishloq” dasturi doirasida 2018-yil uchun belgilangan ishlarning atigi 53 foizi bajarilgan

“Obod qishloq“ dasturi doirasida joriy yil Toshkent viloyatining 45 ta qishlog‘ida 410 milliard so‘mlikdan ortiq qurilish-obodonlashtirish ishlari amalga oshirilishi belgilangan edi, deb yozadi O‘zA.

Ma’lumotlarga ko‘ra, joriy yil viloyatda 17 ming 400 dan ortiq yakka tartibdagi, 35 ta ko‘p qavatli uylarni ta’mirlash va obodonlashtirish, 127 kilometr ichimlik suvi, qariyb 390 kilometr elektr energiyasi, 140 kilometrdan ortiq gaz tarmog‘ini ta’mirlash va yangidan tortish, 310 kilometrdan ortiq ichki va xo‘jaliklararo yo‘llarga shag‘al va asfalt yotqizish, ta’mirlash, 180 kilometrdan ziyod irrigatsiya va melioratsiya tarmoqlarini yaxshilash rejalashtirilgan. Shuningdek, 70 dan ortiq ijtimoiy soha, 150 ga yaqin bozor infratuzilmasi obyektlarini qurish va ta’mirlash bo‘yicha vazifalar belgilangan.