4 декабрь, сешанба куни футбол бўйича Англия премьер лигаси 15-турида «Манчестер Сити» жамоаси сафарда «Уотфорд» меҳмони бўлиб, 2:1 ҳисобида ғалаба қозонди.
Шу тариқа Пеп Гвардиола жамоаси АПЛ 15-турига келиб урган голлари сони 45 тага етди. Ўтказиб юборилган голлар сони атиги 7 та. Тўплар нисбат +38. Бундай натижа, яъни 15 турдан сўнг +38 гол нисбати кўрсаткичи сўнгги 125 йил ичида АПЛда қайд этилмаганди.
Сўнгги бор бундай натижа 1892/93 йилги мавсумда «Сандерленд» томонидан қайд этилган. Ўшанда жамоа 15 турдан сўнг +39 тўплар нисбатига эга бўлганди.
Қайд этиш жоиз, «Манчестер Сити» АПЛнинг 21 та ўйинидан бери мағлубиятга учрамай келмоқда. Жамоа сўнгги бор ўтган мавсум 7 апрель санасида «Манчестер Юнайтед»га 2:3 ҳисобида ютқазганди. Жамоа ҳозирга қадар 18 та ўйинда ғалаба қозониб, 3 та ўйинда дуранг қайд этди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Каналга қўшилиш учун: @Daryo_sport
Изоҳ (0)