4 декабрь, сешанба куни Сеул шаҳрида Ўзбекистон таэквондо ассоциацияси раҳбари Аҳмаджон Раҳимов Жанубий Корея таэквондо ассоциацияси президенти Чои Чанг Шин билан учрашди, деб хабар беради МОҚ матбуот хизмати.
Томонлар учрашув давомида Токио—2020 Олимпиадасига қадар қўшма ўқув-машғулот йиғинларини ўтказишлари бўйича келишувга эришди. Шунингдек, ҳар икки ассоциация раҳбарлари ўртасида ҳамкорлик меморандуми имзоланди. Унга кўра, томонлар спорт тиббиёти, допинг назорати, қўшма ўқув-машғулот йиғинлари бўйича яқиндан ҳамкорлик қилади.
Суҳбат давомида Чои Чанг Шин Жанубий Корея таэквондо ассоциацияси эшиклари ўзбекистонлик спортчилар учун доимо очиқ эканлигини алоҳида таъкидлаб ўтди.
Шунингдек, Чои Чанг Шин Ўзбекистонда ўтказиладиган мусобақаларга ташриф буюрмоқчи эканлигини маълум қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Каналга қўшилиш учун: @Daryo_sport
Изоҳ (0)