4 декабрь оқшомида футбол бўйича Англия премьер лигасида 15-турнинг 4 та беллашуви бўлиб ўтди.
Жумладан, «Вест Ҳэм» жамоаси ўз майдонида «Кардифф»ни қабул қилиб, 3:1 ҳисобида ғалаба қозонди. Мезбонлар сафида Лукас Перес дублга эришди, яна бир гол Майкл Антонио ҳисобига ёзилди. Меҳмонларнинг ягона жавоб голи Мёрфи томонидан киритилди.
«Брайтон» ўз уйида «Кристал Пэлас»ни меҳмон қилиб, 3:1 ҳисобидаги ғалабани қўлга киритди.
«Борнмут» «Ҳаддерсфилд» билан «Дин Корт» стадионида куч синашди. Мезбонларга Каллум Уилсон ва Райан Фрейзернинг биринчи бўлимда киритган голлари уч очкони тақдим қилди.
Мусобақа карвонбошиши «Манчестер Сити» эса сафарда «Уотфорд» меҳмони бўлиб, Лерой Сане ва Рияд Маҳрезнинг голлари эвазига навбатдаги ғалабани қўлга киритди.
5 декабрь санасида тур учрашувлари давом эттирилади. Жумладан, турнинг марказий ўйини «Олд Траффорд»да кечади. Унда Жозе Моуриньо бошлиқ «Манчестер Юнайтед» Унаи Эмери қўл остидаги «Арсенал»га қарши жанг қилади. Беллашув 01:00 да бошланади.
Англия премьер лигаси
15-тур беллашувлари
4 декабрь, сешанба
«Вест Ҳэм»—«Кардифф Сити» 3:1
Голлар: 1:0 – 49 Перес, 2:0 – 54 Перес, 3:0 – 61 Антонио, 3:1 – 90 Мёрфи.«Брайтон»—«Кристал Пэлас» 3:1
Голлар: 1:0 – 24, пенальти Мюррей, 2:0 – 31 Балогун, 3:0 – 45 Андоне, 3:1 – 81, пенальти Миливоевич.«Борнмут»—«Ҳаддерсфилд» 2:1
Голлар: 1:0 – 5 Уилсон, 2:0 – 22 Фрейзер, 2:1 – 38 Конголо.«Уотфорд»—«Манчестер Сити» 1:2
Голлар: 0:1 – 40 Сане, 0:2 – 51 Маҳрез, 1:2 – 85 Дукуре.5 декабрь, чоршанба
«Бёрнли»—«Ливерпуль» 00:45
«Фулҳэм»—«Лестер» 00:45
«Вулверҳэмптон»—«Челси» 00:45
«Эвертон»—«Ньюкасл» 00:45
«Манчестер Юнайтед»—«Арсенал» 01:00
«Тоттенҳэм»—«Саутҳэмптон» 01:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Каналга қўшилиш учун: @Daryo_sport
Изоҳ (0)