FIDE собиқ президенти Кирсан Илюмжиновнинг Ўзбекистонни шахмат ватани дея билдирган фикрига россиялик гроссмейстер Анатолий Карпов муносабат билдирди, деб ёзади Sputnik.
«Собиқ Қўқон хонлиги ҳудудидан қадимги шахмат доначалари топилганига қарамай, Ўзбекистон шахмат ватани ҳисобланмайди. Аммо бу топилмалар шахматнинг Россияга Европадан эмас, балки Ўзбекистондан кириб келган дейишга сабаб бўлган»,— дейди Анатолий Карпов.
Унинг таъкидлашича, Ўзбекистон шахмат бўйича кўплаб муваффақиятларга эришаётганига қарамай шахмат ватани номига даъвогарлик қила олмайди.
Карпов, шунингдек, 90 йилларда Ўрто Осиё ҳудудида қозоқ ва қирғиз шахматчилари устунлик қилганини, бироқ ҳозирда ўзбекистонлик спортчиларнинг кўплаб ғалабалари уларнинг нуфузли шахмат давлатлари қаторига кирганини ҳам қўшимча қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Каналга қўшилиш учун: @Daryo_sport
Изоҳ (0)