Абу Али ибн Сино номидаги Бухоро давлат тиббиёт институти ва Туркия соғлиқ билимлари университети икки давлат ўртасида амалга оширилаётган тенг ҳуқуқли ва ўзаро манфаатли, қонунлар, қоидалар, қарорлар ва миллий сиёсат мувофиқ шерикчилик алоқаларини ўрнатиш ва академик ҳамкорликни амалга оширишга қаратилган меморандум имзолади, деб хабар берди «Халқ сўзи Online».
Ҳужжатга кўра, эндиликда Бухоро олийгоҳи талабалар алмашинув асосида Туркияда таълим олиш имкониятига эга бўлади. Туркияда ўқиш имкониятини қўлга киритиш учун Бухоро давлат тиббиёт институти талабалари ўз олийгоҳида уч йил таълим олган бўлиши ва бу даврда ўртача семестрлар давомида тўплаган баллари 75 фоизлик кўрсаткични ташкил қилган бўлиши керак. Ўртача балли 75 баллдан ошган талабалар танлов дастурига ариза бериши мумкин бўлади. Танловдан ўта олган талабалар қолган уч йиллик таълимни Туркия университетида давом эттиради.
Шунингдек, мазкур меморандумда томонлар узлуксиз таълим ва бошқа таълим дастурлари; симпозиумлар, халқаро учрашувлар, конференциялар ва семинарлар ташкил этиш; кредитлар ва замонавий дастурлар билан бўлишиш; меморандумнинг 6 йиллик амал қилиш даври мобайнида докторантурада таълим олаётганлардан 10 нафарининг стажировкалари ташкил этиш; олимларнинг академик ҳаракатига, тиббиёт соҳасида ишлаётганларга, стоматология ва бошқалар йўналишларга кўмаклашиш; қисқа муддатли лаборатория ва шу каби тадқиқотларни ўтказиш бўйича келишиб олди.
Изоҳ (0)