4-dekabr, seshanba kuni Seul shahrida O‘zbekiston taekvondo assotsiatsiyasi rahbari Ahmadjon Rahimov Janubiy Koreya taekvondo assotsiatsiyasi prezidenti Choi Chang Shin bilan uchrashdi, deb xabar beradi MOQ matbuot xizmati.
Tomonlar uchrashuv davomida Tokio—2020 Olimpiadasiga qadar qo‘shma o‘quv-mashg‘ulot yig‘inlarini o‘tkazishlari bo‘yicha kelishuvga erishdi. Shuningdek, har ikki assotsiatsiya rahbarlari o‘rtasida hamkorlik memorandumi imzolandi. Unga ko‘ra, tomonlar sport tibbiyoti, doping nazorati, qo‘shma o‘quv-mashg‘ulot yig‘inlari bo‘yicha yaqindan hamkorlik qiladi.
Suhbat davomida Choi Chang Shin Janubiy Koreya taekvondo assotsiatsiyasi eshiklari o‘zbekistonlik sportchilar uchun doimo ochiq ekanligini alohida ta’kidlab o‘tdi.
Shuningdek, Choi Chang Shin O‘zbekistonda o‘tkaziladigan musobaqalarga tashrif buyurmoqchi ekanligini ma’lum qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Kanalga qo‘shilish uchun: @Daryo_sport
Izoh (0)